French Indian Currency

ഫ്രഞ്ച്-ഇന്ത്യ കാലഘട്ടത്തിലെ കറൻസികൾ.

മാഹി, കറൈക്കൽ, പോണ്ടിച്ചേരി, യാനം, ചന്ദർ നാഗോർ  എന്നിവ ഉൾപ്പെട്ട ഫ്രഞ്ച്  കോളനികളെ "Etablissements Francaises dans L'inde" (French establishments in India) എന്നാണ്  അറിയപ്പെട്ടിരുന്നത്. ഈ ഫ്രഞ്ച്  അധിനിവേശ പ്രദേശങ്ങളിലേക്കുള്ള പേപ്പർ നോട്ടുകൾ ഇഷ്യൂ ചെയ്യുവാനുള്ള ചുമതല Bank of Indochine-നായിരുന്നു. 

ഒന്നാം ലോക മഹാ യുദ്ധത്തിന് ശേഷം Bank of Indochine ഒരു രൂപാ നോട്ടുകൾ (1 Roupie) പുറത്തിറക്കി. 1937-ൽ  അഞ്ച് രൂപാ (5 Roupies) നോട്ടുകളും ഇഷ്യൂ  ചെയ്യപ്പെട്ടു.  ഇന്ത്യയിലെ ഫ്രഞ്ച്  സാമ്രാജ്യത്തിൻ്റെ സ്ഥാപകനായ Dupleix-ന്റെ സ്മരണാർത്ഥം അദ്ദേഹത്തിന്റെ ചിത്രം പ്രിൻറ് ചെയ്ത പുതിയ 50 രൂപ (50 Roupie) നോട്ടുകളും ഈ  സമയത്തു തന്നെ  പുറത്തിറങ്ങി. 1954-ൽ ഇന്ത്യൻ കറൻസി  നിലവിൽ വരുന്നത് വരെ ഈ കറൻസികൾ പ്രചാരത്തിൽ തുടർന്നു.