Wednesday, November 8, 2017

Promissory clause on Indian bank notes

ഇന്ത്യൻ നോട്ടുകളിലെ Promissory clause.
Promissory clause on Indian bank notes.



ഒരു നിശ്ചിത തുകയുടെ ഇന്ത്യൻ ബാങ്ക് നോട്ട് കൈവശം വെച്ചിരിക്കുന്ന ഏതൊരു വ്യക്തിക്കും അതെ തുകയുടെ മൂല്യത്തിന് തുല്യമായ തുക മടക്കി നൽകുന്നതിന് ബാങ്ക് ബാധ്യസ്ഥനാണ് എന്ന പ്രസ്താവനയാണ് (വാഗ്ദാനമാണ്) Promissory clause. 

1934-ലെ Reserve Bank of India Act, സെക്ഷൻ 26 പ്രകാരം ബാങ്ക് നോട്ടുകളുടെ മൂല്യം നൽകാൻ ബാങ്ക് ബാധ്യസ്ഥനാണ്. 

ബ്രിട്ടീഷ് രാജ് മുതൽ 1967 വരെ ഇന്ത്യൻ കറന്സികളിൽ അച്ചടിച്ചിരുന്ന Promissory clause താഴെ ചേർക്കുന്നു: "I promise to pay the bearer on demand The sum of ----- rupee At any office of issue". 

ഈ വാഗ്ദാനത്തിലൂടെ ഗവൺമെന്റിന് മേല്പറഞ്ഞ കറൻസി നോട്ട് നിർത്തി വെക്കുകയോ അല്ലെങ്കിൽ മേല്പറഞ്ഞ തുകക്ക് തുല്യമായ വ്യവസ്ഥാപിതമായ ഒരു പേയ്‌മെന്റ് നടത്തുകയോ ചെയ്യുന്നത് നിയമവിരുദ്ധമായി വന്നു. 

1962-ലെ ഇന്ത്യ-ചൈന യുദ്ധത്തിന്റെയും 1965-ലെ ഇന്ത്യ -പാക് യുദ്ധത്തിന്റെയും അനന്തരഫലങ്ങൾ നേരിട്ട ഇന്ത്യ, ശേഷം 1967-ൽ അന്നത്തെ ധനമന്ത്രിയായിരുന്ന ശ്രീ.മൊറാർജി ദേസായിയുടെ നേതൃത്വത്തിൽ കള്ളപ്പണവും കള്ളനോട്ടുകളും ഉന്മൂലനം ചെയ്യുവാനുള്ള നടപടികൾ ആരംഭിച്ചു. എന്നാൽ ഇന്ത്യൻ നോട്ടുകളിലെ Promissory clause- ൽ അടങ്ങിയിരുന്ന 'ON DEMAND' എന്ന വാചകവും 'AT ANY OFFICE OF ISSUE' എന്ന വാചകവും മൂലം ഈ കള്ള നോട്ടുകളുടെ legal tender ability തടയുന്നത് അസാധ്യമായി വന്നു. തൽഫലമായി സർക്കാർ 1967-ൽ ഇന്ത്യൻ കറൻസി നോട്ടുകളിലെ Promissory clause -ല്‍ നിന്ന് ഈ രണ്ട് വാചകങ്ങളും നീക്കം ചെയ്ത് "I promise to pay the bearer the sum of ------ rupee" എന്നാക്കി മാറ്റി. ഇതിലൂടെ ബാങ്ക് തിരിച്ചു നൽകേണ്ട തുകയുടെ സമയപരിധിക്കും പേയ്‌മെന്റ് സ്ഥലം ഏതെങ്കിലും ഉണ്ടെങ്കിൽ അതിനും വ്യവസ്ഥകൾ നിർണ്ണയിക്കാൻ ഗവൺമെന്റിന് അധികാരം ലഭിച്ചു.


Delhi Sultanate (ദില്ലി സുൽത്താനത്ത്)

ഡൽഹി ആസ്ഥാനമായി ഭരിച്ചിരുന്ന സുൽത്താൻമാരുടെ ഭരണകൂടം ആയിരുന്നു ഡൽഹി സുൽത്താനേറ്റ്. ചില ഘട്ടങ്ങളിൽ ലാഹോർ, ബദൗൻ, ദൗലത്താബാദ്, ആഗ്ര ഇവയും തലസ്ഥാനനഗരങ്ങൾ ആയിരുന്നു. ഡൽഹി സുൽത്താനേറ്റ്, ഇന്നത്തെ ഇന്ത്യ, പാക്കിസ്ഥാൻ, ബംഗ്ലാദേശ് എന്നിവ ഉൾപ്പെടുന്ന വിശാലമായ ഭൂപ്രദേശമായിരുന്നു. 

മുഹമ്മദ്‌ ഗോറിയുടെ അടിമയായിരുന്ന കുത്ബുദിൻ ഐബക്ക് (Qutb ud Din Aibak, 1206 - 1210) ആണ് ഡൽഹി സുൽത്താനേറ്റ് സ്ഥാപിച്ചത്. ഇബ്രാഹിം ലോദി (Ibrahim Lodi, 1517 - 1526) ആയിരുന്നു അവസാന സുൽത്താൻ. 

1206 മുതൽ  1526 വരെ 320 വർഷങ്ങളിലായി അഞ്ചു രാജവംശങ്ങൾ ഡൽഹി സുൽത്താനേറ്റിൽ ഭരണം നടത്തിയിരുന്നു. 
  1. മാംലൂക്ക് രാജവംശം (1206 - 1290)
  2. ഖിൽജി രാജവംശം (1290 - 1320)
  3. തുഗ്ലക്ക് രാജവംശം (1320 - 1414)
  4. സയ്യിദ് രാജവംശം (1414 - 1451)
  5. ലോദി രാജവംശം (1414 - 1526)
ഇവയാണ് ആ രാജവംശങ്ങൾ. 



രാജവംശംഭരണാധികാരികാലയളവ്
മാംലൂക് രാജവംശം (1206 - 1290)
ഖുത്ബ്‌ദ്ദീൻ ഐബക്1206 - 1210
അറാം ഷാ1210 - 1211
ഷംസുദ്ദീൻ ഇൽതുമിഷ്1210 - 1236
രുക്നുദ്ദീൻ ഫിറൂസ്1236
റസിയ്യ1236 - 1240
മുയിസുദ്ദീൻ ബഹ്രാം1240 - 1242
അലാവുദ്ദീൻ മസൂദ്1242 - 1246
നസീറുദ്ദീൻ മഹ്മൂദ്1246 - 1266
ഘിയാസുദ്ദീൻ ബൽബൻ1266 - 1286
മുയിസുദ്ദീൻ ഖ്വായിഖബാദ്1286 - 1290
കയുമാർസ്1290
ഖിൽ‍ജി രാജവംശം (1290 - 1321)
ജലാലുദ്ദീൻ ഫിറോസ് ഖിൽജി1290 - 1296
അലാവുദ്ദീൻ ഖിൽജി1296 - 1316
ഖുത്ബ്ദ്ദീൻ മുബാരക് ഷാ1316 - 1321
തുഗ്ലക് രാജവംശം (1321 - 1398)
ഘിയാസുദ്ദീൻ തുഗ്ലക് ഷാ ഒന്നാമൻ1321 - 1325
മുഹമ്മദ് ബിൻ തുഗ്ലക് (മുഹമ്മദ് ഷാ രണ്ടാമൻ)1325 - 1351
മഹ്മൂദ് ബിൻ മുഹമ്മദ്1351 മാർച്ച്
ഫിറോസ് ഷാ തുഗ്ലക്1351 - 1388
ഘിയാസുദ്ദീൻ തുഗ്ലക് രണ്ടാമൻ1388 - 1389
അബൂ ബക്കർ1389 - 1390
നസിറുദ്ദീൻ മുഹമ്മദ് ഷാ മൂന്നാമൻ1390 - 1393
സിക്കന്തർ ഷാ ഒന്നാമൻ1393 മാർച്ച് - ഏപ്രിൽ
ഘിയാസുദ്ദീൻ തുഗ്ലക് ഷാ ഒന്നാമൻ1321 - 1325
മഹ്മൂദ് നസിറുദ്ദീൻ (സുൽത്താൻ മഹ്മൂദ് രണ്ടാമൻ) (ദില്ലി)1393 - 1394
നസ്റത്ത് ഷാ (ഫിറോസാബാദ്)1394 - 1398
ലോധി രാജവംശം (1413 - 1414)ദൗലത് ഖാൻ [2]1413 - 1414
സയ്യിദ് രാജവംശം (1414 - 1451)
ഖിസർ ഖാൻ (ഖിദ്‌ർ ഖാൻ)1414 - 1421
മുബാരക് ഷാ രണ്ടാമൻ1421 - 1435
മുഹമ്മദ് ഷാ നാലാമൻ1435 - 1445
അലാവുദ്ദീൻ ആലം ഷാ1445 - 1451
ലോധി രാജവംശം (1451 - 1526)
ബാഹ്‌ലൂൽ ഖാൻ ലോധി1451 - 1489
സിക്കന്ദർ ലോധി1489-1517
ഇബ്രാഹിം ലോധി (ഇബ്രാഹിം രണ്ടാമൻ)1517-1526





ദില്ലി സുൽത്താനത്തിന്റെ വ്യാപനം - വിവിധ സുൽത്താന്മാരുടെ കാലങ്ങളിൽ

1526ൽ ഒന്നാം പാനിപ്പത്ത് യുദ്ധത്തിൽ, ബാബർ, ഇബ്രാഹിം ലോദിയെ പരാജയപ്പെടുത്തുകയും വധിക്കുകയും ചെയ്തു. ഇതോടുകൂടി ഡൽഹി സുൽത്താനേറ്റ് അസ്തമിക്കുകയും മുഗൾ ഭരണം ഉദയം ചെയ്യുകയും ചെയ്തു. 


ബ്ലാക്ക് തങ്ക
മധ്യകാലഇന്ത്യയിലെ വളരെയധികം ചർച്ചചെയ്യപ്പെടുന്ന ഭരണാധികാരി ആയിരുന്നു 1324 മുതൽ 1352 വരെ ഭരണം നടത്തിയ മുഹമ്മദ്‌ ബിൻ തുഗ്ലക്ക്. വീണ്ടുവിചാരമില്ലാത്ത പ്രവർത്തനങ്ങൾ മൂലം അദ്ദേഹത്തിന്റെ ഖജനാവ് ശുഷ്കിച്ചുപോയി. ഇതിനൊരു പരിഹാരം എന്ന നിലയിൽ അദ്ദേഹം 1330ൽ ചെമ്പിൽ പുതിയൊരു നാണയം പുറത്തിറക്കി. അതുവരെ സ്വർണത്തിൽ ഉള്ള ദിനാറും വെള്ളിയിലുള്ള ആദിലും ആയിരുന്നു നാണയങ്ങൾ. സ്വർണത്തിനും വെള്ളിക്കും വിലയുള്ളതിനാൽ ചെമ്പിൽ തയ്യാറാക്കിയ പുതിയനാണയത്തിന് ദിനാറിന്റെയും ആദിലിന്റെയും മൂല്യം നൽകി അദ്ദേഹം. ഈ പുതിയനാണയത്തിന് മതിയായ സുരക്ഷാമാനദണ്ഡങ്ങൾ ഇല്ലായിരുന്നു. ധാരാളം  കള്ളനാണയങ്ങളുടെ നിർമ്മിതിക്കും വിനിമയത്തിനും ഇത് കാരണമായി. കമ്പോളങ്ങളിൽ കള്ളനാണയങ്ങളുടെ കുത്തൊഴുക്ക് ഉണ്ടായി. ചുരുങ്ങിയ സമയം കൊണ്ട്  ഖജനാവ് കള്ളനാണയം കൊണ്ട് നിറഞ്ഞു. 

രാജ്യത്തിന്റെ വ്യാപാരമേഖ ഇതോടുകൂടി തകർന്നു. ഇതോടുകൂടി മുഹമ്മദ്‌ ബിൻ തുഗ്ലക്ക് പുതിയനാണയം പിൻവലിച്ചു. ജനങ്ങൾക്ക്‌ അവരുടെ കൈയിലുള്ള പുതിയനാണയങ്ങൾക്ക് പകരമായി ദിനാറുകളും ആദിലുകളും കൊടുത്തു. ആയിരക്കണക്കിന് ജനങ്ങൾ പുതിയനാണയം മാറ്റിയെടുത്തു. ഇത് ഖജനാവിന് ഭീമമായ നഷ്ടം ഉണ്ടാക്കി. എന്നിരുന്നാലും,  കണ്ടെത്തിയ കള്ളനാണയങ്ങൾ മാറ്റിക്കൊടുത്തില്ല. 1333ൽ ഈ നാണയത്തിന്റെ ഉപയോഗം നിർത്തലാക്കി. ഈ ചെമ്പ് നാണയം ബ്ലാക്ക്‌ തങ്ക എന്നറിയപ്പെടുന്നു. 10 ഗ്രാമിൽ താഴെയാണ് ഇതിന്റെ ഭാരം.




ദില്ലി സുൽത്താനത്തിന്‍റെ ചില നാണയങ്ങള്‍ താഴെ:

Coins of Sultan Razia



തുഗ്ലക്ക് കാലഘട്ടത്തിൽ മുഹമ്മദ്‌ ബിൻ തുഗ്ലക്ക് (1325 - 1351) പുറത്തിറക്കിയ ബ്ലാക്ക്‌ തങ്ക (Black Tanga) എന്ന നാണയമാണ് ചിത്രത്തിൽ. 

മുഹമ്മദ് ബിൻ തുഗ്ലക്കിന്റെ നാണയം


സിക്കന്ദർ ലോധിയുടെ നാണയം